Presidentja e Kosovës, Vjosa Osmani ka përkujtuar 25-vjetorin e Masakrës në Lagje të Re dhe në Rakoc të Kaçanikut të kryer nga regjimi i Serbisë.
Në këtë masakër më 9 prill të vitit 1999 ranë dëshmorë 28 ushtarë të UÇK-së dhe u vranë 32 martirë.
Osmani ka thënë se dëshmorët dhe martirët do të kujtohen përherë
“Më 9 prill të vitit 1999, në Lagjen e Re dhe në Rakoc të Kaçanikut, ranë 28 dëshmorë të kombit të UÇK-së, në mbrojtje të të popullsisë civile nga barbaria e regjimit gjenocidal të Serbisë.Rrethimi dhe granatimi i vazhdueshëm i Kaçanikut shkaktoi vrasjen e 32 martirëve. Ata që ranë heroikisht dhe ata që u martirizuan do të kujtohen përherë, ndërkaq drejtësia do të jetë synim i yni vazhdueshëm për ta mbrojtur të vërtetën. Qoftë i përhershëm kujtimi për të gjithë të rënët për liri”, ka shkruar Osmani./teve1.info/
