Presidentja e Republikës së Kosovës, Vjosa Osmani, ka marrë pjesë sot në Samitin e Brdo-Brijunit, i cili po mbahet në Shqipëri me pjesëmarrjen e liderëve të vendeve të rajonit të Ballkanit Perëndimor.
Samiti, që ka për qëllim nxitjen e bashkëpunimit rajonal dhe përshpejtimin e procesit të integrimit evropian, shënon një tjetër platformë të rëndësishme për Kosovën në avancimin e synimeve të saj euro-atlantike.
Në një postim në rrjetin social Facebook, Presidentja Osmani theksoi vendosmërinë e institucioneve të Kosovës për të qenë pjesë e familjes evropiane dhe e strukturave të sigurisë perëndimore.
“Samiti i Brdo-Brijunit, sot në Shqipëri. Republika e Kosovës, në mesin e shteteve të rajonit, e palëkundur në përkushtimin për integrim euro-atlantik,” ka shkruar Presidentja Osmani.
Pjesëmarrja e saj në këtë samit vjen në një kohë kur dinamika e integrimit evropian për vendet e Ballkanit Perëndimor mbetet në fokusin e agjendës politike dhe diplomatike të rajonit.
