Presidentja Vjosa Osmani ka shkruar në llogarinë e saj në Facebook, lidhur me takimin që zhvilloi sot me Emisarin e Bashkimit Evropian për dialogun Kosovë-Serbi, Peter Sorensen.
Osmani ka thënë se një proces i drejtë, i paanshëm i dialogut e me objektiva të qarta, është thelbësor për paqen dhe stabilitetin në rajon.
Ajo ka treguar edhe për temat tjera që kanë diskutuar.
“Në takim me Përfaqësuesin e Posaçëm të BE-së, Peter Sørensen, diskutuam zhvillimet e fundit në vend, rëndësinë e avancimit të integrimit evropian të Kosovës, procesin e dialogut, nevojën për heqjen e masave të padrejta kundër qytetarëve tanë, si dhe arrestimet arbitrare të qytetarëve tanë nga Serbia”, ka shkruar Osmani.
