Presidentja e Kosovës, Vjosa Osmani i ka shprehur ngushëllime familje Ferati nga Istogu, pas vdekjes së Triumf Feratit, vëllait të kryetari aktual të Istogut Ilir Ferati.
Në telegramin e Osmanit thuhet se vdekja e Triufimit ka tronditur të gjithë.
“Humbja e parakohshme e Triumf Feratit, djalit të të ndjerit Fadil Ferati, ish-kryetar i komunës së Istogut, si dhe vëlla i kryetarit aktual Ilir Feratit, na ka tronditur të gjithëve. Ju shpreh ngushëllimet më të thella familjes së Triumfit, të afërmve dhe shoqërisë! Në këto çaste tmerrësisht të rënda për familjen, bashkëndjej me ju dhe shpresoj të gjeni forcë në përballimin e dhimbjes duke kujtuar momentet e paharrueshme që krijuat bashkë me Triumfin. Shpirti i tij pushoftë në paqe! I përhershëm qoftë kujtimi për Triumfin”, thuhet në telegram.
Trimuf Ferati është gjetur i vdekur në orët e pasdites të dielën në varrezat e fshatit Gurakoc të Istogut.
