Presidentja e Kosovës, Vjosa Osmani në një konferencë për media pas takimit me liderët politik për situatën e ngërçit politik në Kuvend paralajmëroj se ky është vetëm takimi i parë.
Sipas të parës së vendit, nëse partitë politike e shohin të nevojshme një takim, nga java e ardhshme liderët e partive individualisht do të takohen prapë me të.
Madje, presidentja tha se nga mos konstituimi i institucioneve, pasojat i bartë vet shteti.
“Siç e dini , sot bëhet një muaj nga seanca e parë e Kuvendit të Kosovës, të cilët e kanë thirrur me 15 prill ku fatkeqësisht edhe pas 16 përpjekjesh nuk ka pasur rezultat në konstituimin e Kuvendit, mos konstituimi i institucioneve mund t`i duket dikujt që dëmton politikanë apo vetëm parti të caktuar, megjithatë pasojat kryesore i bartë vendi ynë dhe të gjithë qytetarët tanë pa dallim. Në situatën aktuale me mungesën e Kuvendit funksional po rrezikohet ky parim kushtetues. Në takimin e parë i kam inkurajuar liderët e partive politike që në funksion të realizimit të këtij parimi kushtetues të gjejnë zgjidhjet e përbashkët për konstituimin e Kuvendit që përveçse do të siguronte sigurimin e institucioneve po ashtu do të hapte rrugë edhe për krijimin e qeverisë së re. me lejoni të sqaroi se ky është vetëm takimi i parë dhe natyrisht nëse shihet e nevojshme nga java tjetër do të takojë edhe liderët e partive individualisht për të vazhduar pastaj edhe me formatet e tjera sipas nevojës”, ka deklaruar ajo.
Ajo ka thënë se nëse zvarritet më tej çështja e konstituimit të Kuvendit, do t’i drejtohet Gjykatës Kushtetuese. Megjithatë, nuk ka dhënë një afat se kur mund të ndodh kjo.
“Nëse kjo zvarritet shumë janë disa opsione, një është që deputetët ta shfrytëzojnë të drejtën, mënyra tjetër është që unë si presidente t’i drejtohem Kushtetueses. Nëse do të kishte pajtim edhe nga ata, nuk kam problem ta dërgoj këtë çështje në Kushtetuese. Ne do presim nëse në vijim do rezultojnë me marrëveshje politike, para se të procedojmë me diçka të tillë. Takimet do vazhdojnë”, tha Osmani. /teve1.info/
