Presidentja e Kosovës, Vjosa Osmani ka takuar presidenten e Komisionit Evropian, Ursula von der Leyen në Presidencë.
E para e shtetit dhe presidentja e KE-së kanë diskutuar për zbatimin e Planit të Rritjes si dhe për rëndësinë e heqjes së masave ndaj Kosovës.
Osmani theksoi se mbështetja e Komisionit Evropian për Kosovën në procesin drejt integrimit në BE mbetet thelbësore.
“Kosova është gati të ecë përpara me përkushtim, me reforma të suksesshme dhe me besim të palëkundur në të ardhmen evropiane. Kënaqësi e veçantë ta mirëpres sërish sot në Republikën e Kosovës Presidenten e Komisionit Evropian, Ursula von der Leyen. Së bashku diskutuam për zbatimin e Planit të Rritjes, për rëndësinë e heqjes së masave të padrejta ndaj vendit tonë, si dhe për hapat tutje në rrugën drejt integrimit tonë në Bashkimin Evropian.Mbështetja e Komisionit Evropian për Kosovën në këtë proces mbetet thelbësore”, ka shkruar e para e vendit./teve1.info/
