Presidentja e Kosovës, Vjosa Osmani, tha se shteti i Kosovës është ndërtuar për këto 15 vite duke iu falënderuar secilit qytetar për kontributin e tyre, raporton teve1.info
Osmani gjatë paraqitjes në Kuvendin e Kosovës në seancën solemne të legjislativit, tha se e falënderon secilin qytetar që ka dhënë kontributin e tij në këtë rrugë.
“Qëndresën e pashembullt të brezave të lirisë e cila i parapriu jetësimit të ëndrrës së madhe, presidentit historik, dr. Ibrahim Rugovën i cili e siguroi respektin e gjithë botës demokratike.
Bijat tona në UÇK që sakrifikuan jetën në mbrojtje të vendit, komandantin Adem Jashari i cili i priu rezistencës për liri, përfaqësuesit e shtetit të cilët për 15 vite kontribuuan për jetësimin demokratik të vendit, ushtarëve e policisë sonë, ushtarët e FSK-së që po lufotjnë për shpëtimin e jetëve nga tërmetet në Turqi e Siri. U falënderohemi edhe miqve tanë, aleatëve tanë të cilët i kemi quajtur me të drejtë shpëtimtarë e miq të lirisë, kur ne ishim të shtypur e luftonim për lirinë, kur u qliruam në tokën e lirë, ata janë këtu edhe sot, partner të besueshëm e të qëndrueshëm më të cilët edhe sot po e ndërtojmë të ardhmen tonë”, tha Osmani.
Osmani tha se në këto 15 vjet shtet Kosova është zhvilluar e forcuar si shet i ri, si në romanizimin e jetës politike dhe funksionimin e institucioneve si dhe ka krijuar bazë solide për funksionim të mëtutjeshëm.
“Institucionet po forcohen e kjo është e arritur e madhe. Sfidat kanë qenë të pashmangshme por i kemi tejkaluar me aleatët tanë, këto sfida na kanë bërë të kemi përplasje të brendshme por na kanë bërë edhe më të fortë, kanë dëshmuar aftësinë tonë për të qenë më të qëndrueshëm karshi tyre. Këto sfida janë të pranishme edhe sot kur Kosova falë përcaktimit të saj të hershëm po përpiqet të përcaktoj pozitën e saj drejt strukturave euroatlantike në NATO”, tha ndër të tjera Osmani.
Osmani tha se kërcënimet e shtetit të Kosovës të cilat vijnë për ta rrënuar e cenuar shtetësinë e Kosovës, provojnë të ushtrojnë ndikimin e tyre duke thyer unitetin historik karshi çështjeve madhore.
“Por e nuk duhet të lejojmë,në përballje me Serbinë duhet dhe të do tejmi një. Të bashkëveprojmë e bashkndjejmë karshi këtyre sfidave. Forcimi i shtetit është mision i secilit, i institucioneve, spektrit politik e secilit qytetar ashtu siç ishte pavarësia e liria jonë”, tha Osmani.
Osmani tha se procesi i dialogut me Serbinë e ka një epilog.
“Procesi i dialogut me Serbinë e ka një epilog, që e kemi thënë gjithsecili, një pilog që e konfirmoi edhe presidenti Biden në letrën drejtuar mua, njohja reciproke, tërësia territoriale, kushtetutshmëria, rendi juridik e sovraniteti jonë, janë të panegociueshme.
Përvjetorët si ky janë mundësi e mirë për të reflektuar mbi rrugëtimin tonë të gjatë e të dhimbshëm por krenar si dhe mundësinë që duke punuar çdo ditë ta jetësojmë jetën demokratike e shtetin tonë për të cilin është punuar aq shumë.
Sa më shumë që punojnë të tjerët për ta minuar Republikën tonë, ne do të jemi më unik sepse Republika jonë është përjetshme”, tha Osmani.
