Atje ajo ka takuar udhëheqësit e Odës Ekonomike të Katarit dhe udhëheqësen e Fondacionit të Katarit dhe i është drejtuar audiencës së Qendrës Arabe për Hulumtime dhe Studime Politike.
Presidenca ka njoftuar se Osmani ka diskutuar mundësitë e rritjes së investimeve në fusha të ndryshme, përfshirë bujqësinë, turizmin dhe infrastrukturën.
“Presidentja Osmani gjithashtu u prit nga kryeshefja ekzekutive e Fondacionit të Katarit, Sheikha Hind Bint Hamad Al Thani, ku u diskutua për avancimin e arsimit dhe sistemit shëndetësor si parakusht për zhvillimin e kapitalit njerëzor. Presidentja Osmani ka bashkëbiseduar edhe me një grup studiuesish në një ligjëratë të organizuar nga Qendra Arabe për Hulumtime dhe Studime Politike, ku diskutoi për historinë e Kosovës, impaktin e luftës, procesin e shtetndërtimit dhe pozitën aktuale të Kosovës në politikën botërore”, thuhet ndër tjerash në njoftim.
Po ashtu, Osmani ka folur edhe për agresionin rus në Ukrainë dhe “politikat destabilizuese të presidentit rus dhe satelitëve të tij në rajon”./teve1.nfo/
