Nga atje, presidentja Osmani ka thënë se këto forume janë mundësi e shkëlqyeshme për Kosovën që t’i dëgjohet zëri aty ku dikutohen çështjet më të rëndësishme globale.
“Prandaj kisha nderin që me ftesë të Emirit të Katarit, Sheikh Tamim Bin Hamad Al Thani, të merrja pjesë në hapjen e Forumit të Dohas së bashku me përfaqësues nga vende të ndryshme të botës. Sot në takim me Kryeministrin e Katarit ndërkaq, diskutuam se si t’i thellojmë raportet bilaterale mes dy vendeve tona, me theks të vecantë sa I përket bashkëpunimit ekonomik. Përgjatë forumit kishim diskutime përmbajtësore edhe me ish-Sekretarin e Shtetit të SHBA-ve, tani i deleguar i posaqëm i Presidentit Biden për ndryshimet klimatike, z. John Kerry, ku diskutuam për zhvillimet e fundit në kontinentin evropian, e në vecanti për rolin krucial që SHBA luajnë për paqen dhe stabilitetin në rajonin tonë”, ka shkruar Osmani në një postim në Facebook.
Osmani ka shtuar se Kosova ka miq anekënd botës e këto miqësi do i thellojnë edhe më tej.
“Poashtu takuam edhe udhëheqës të shteteve jonjohëse dhe të organizatave ndërkombëtare. Kosova ka miq anekënd botës dhe këto miqësi do të vazhdojmë t’i thellojmë më tej”, ka thënë Osmani. /Teve1.info/
