Me rastin e Ditës së Pavarësisë së Shtetet e Bashkuara të Amerikës, ish-presidentja e Kosovës, Vjosa Osmani, ka kujtuar rolin vendimtar të SHBA-së në çlirimin dhe shtetformimin e Kosovës, duke theksuar se aleanca mes dy vendeve mbetet e përjetshme.
Përmes publikimit të një pjese nga fjalimi i saj i mbajtur në festën për nder të 4 Korrikut 2025, Osmani është shprehur se Amerika nuk e ndihmoi Kosovën vetëm me fjalë, por me veprime konkrete në momentet më të vështira.
“Amerika nuk na shpëtoi jetën nëpërmjet frazave boshe, por me veprim e vendosmëri. Kur disa hezitonin, Amerika veproi,” ka theksuar ajo.
Osmani ka shtuar se liria e Kosovës mban “gjurmë amerikane” në çdo etapë të shtetndërtimit, duke përmendur mbështetjen ushtarake, politike dhe institucionale të SHBA-së.
Në fund të mesazhit, ajo ka vlerësuar se 17 Shkurti dhe 4 Korriku simbolizojnë të njëjtin ideal – lirinë – dhe ka theksuar se aleanca ndërmjet Kosovës dhe SHBA-së do të zgjasë përgjithmonë.
