Osmani përmendi edhe çështjen e ndryshimit të kufijve, ku tha se bashkërisht kanë arritur që t’i japin fund.
Ajo në konferencën për media pas takimit me Metën, tha se objektivi i qartë i Kosovës mbetet anëtarësimi në strukturat euroatlantike në Bashkimin Evropian dhe në NATO.
“Zëri ynë aty ku ne nuk jemi përfaqësuar, e në veçanti zë i fuqishëm kundër tendencave për ndarje të Kosovës e për ndryshim kufijsh, ide e aventura këto të rrezikshme, pasojat e së cilave po ndihen edhe sot e kësaj dite, por të cilave bashkërisht u kemi dhënë fund. Gjatë udhëheqjes suaj kemi pasur një bashkëpunim dhe koordinim të shkëlqyeshëm gjë për të cilën dua të ju falënderoj. Kam besimin e plotë që në angazhimin e mëtejmë tuajin sërish do të vazhdoni të jeni zëri i Kosovës aty ku u jepet mundësia”, ka thënë Osmani.
