Osmani pati mundësinë të diskutojë me Pelosin edhe për gjendjen aktuale të sigurisë në Evropë duke përfshirë këtu edhe Ballkanin.
Gjithashtu, pjesë e bisedës ishte edhe rëndësia e partneritetit e komunikimit të vazhdueshëm në të dy anët e Atlantikut për garantimin e paqes dhe stabilitetit.
Gjatë kësaj darke, Osmani u takua edhe me kryeministrin e Bullgarisë, Kiril Petkov, senatorët Bob Menendez e Lindsay Graham, kongresistin Gregory Meeks, si dhe zyrtarë e të ftuar të tjerë.
Kujtojmë se Osmani qëndroi në Uashington me ftesë të organizatorëve të takimit të liderëve të Konferencës së Sigurisë së Munihut.
