Në një adresim për media, Osmani deklaroi se me këtë aplikim po marrin një hap vendimtar drejt jetësimit të ëndrrës kolektive të qytetarëve të Kosovës.
“Së bashku me Konjufcën dhe Kurtin në emër të Kosovës dhe qytetarëve po marrim një hap vendimtar drejt jetësimit të ëndrrës sonë kolektive e ambicies sonë të patjetërsueshme. Ne jemi së bashku për të sjellë në venin tonë një hap më afër BE-së duke kontribuuar kështu që edhe BE të afrohet një hap më afër jetësimit të projektit të Evropës së tërë të lirë e me paqe. Për Kosovën dhe qytetarët e saj nuk ka pasur asnjëherë alternativë tjetër por ëndërrat bëhen realitet kur veprohet e ambiciet bëhen të prekshme vetëm kur punohet. Në vigjilje të 15-vjetorit të Pavarësisë ky akt i dedikohet qytetarëve tonë evropianëve të devotshëm e mbrojtësve e promovuesve të vlerave evropiane”, tha ajo.
Ajo u shpreh se ky moment i dedikohet çdo fëmije, gruaje dhe burri të vrarë nga gjenocidi serb të cilët sakrifikuan jetën për idealin e lirisë.
Tutje, Osmani theksoi se Kosova është çmim i vlerave mbi të cilat është ndërtuar BE-ja dhe se frymon me shtetin evropian.
“Por mbi të gjitha ky moment i dedikohet çdo fëmije, gruaje, burri që sakrifikuan jetën duke mbrojtur idealet për liri e demokraci gjersa u përballen padrejtsistësht me okupim e gjenocid. Kosova sot është çmim i vlerave mbi të cilat është ndërtuar BE dhe frymon me shtetin e evropian, shteti më i ri në kontinentin e vjetër promovues dhe garantues i të drejtave demokratike vendi i pluralizmit politik garantues i të drejtave të njeriut e lirive fetare. Kosova e ekonomisë së tregut të lirë dhe kontribuesja e paepur për paqe e siguri e meriton të jetë pjesë e familjes së BE-së”, shtoi ajo.
Madje, presidentja deklaroi se procesi mund të jetë afatgjatë dhe se ata do t’i kryejnë punët sa më mirë në mënyrë që BE-ja ta ketë më lehtë ta “bëjë pjesën e punës së vetë”.
“Rruga jonë përpara është e qartë procesi i anëtarësimit në BE nuk është i njëtrajtshëm dhe procesi në tërësi mund të jetë afatgjatë por ne jemi të vendosur që t’ia dalim me sukses. Ne do ta bëjmë pjesën e punës sonë në mënyrë që BE ta ketë sa më të lehtë ta bëjë pjesën e punë së vetë. Në këtë rrugëtim do të jemi përherë një partner i besueshëm”, tha ajo./teve1.info/