Presidentja e Kosovës, Vjosa Osmani, ka uruar qytetarët e Kosovës për liberalizimin e vizave.
Ajo ka thënë se viti 2024 filloi mbarë.
Përmes një postimi në Facebook ajo ka thënë se lëvizja e lirë na u mohua shumë gjatë e padrejtësisht.
“Një vit që fillon mbarë!Një vit që fillon me liri të lëvizjes, liri që na u mohua shumë gjatë e padrejtësisht. Por si gjithnjë, me përkushtim të palëkundur, populli i Kosovës dëshmoi se nuk dorëzohet dhe nuk heq dorë kurrë nga vendi i merituar në familjen evropiane. Gëzuar Kosovë liberalizimi i vizave”, ka shkruar Osmani.
Mbrëmë në mesnatë ka hyrë në fuqi liberalizimi i vizave për kosovarët në zonën shengen./teve1.info/
