Presidentja e Kosovës, Vjosa Osmani, gjatë vizitës së saj në Kombet e Bashkuara, është takuar me presidentin e Letonisë, Edgars Rinkevics.
Gjatë këtij takimi Osmani dhe Rinkevics kanë diskutuar për thellimin e raporteve bilaterale.
“Në Kombet e Bashkuara, pata kënaqësinë të takoj Presidentin e Letonisë, Edgars Rinkēvičs dhe të diskutojmë bashkërisht thellimin e raporteve tona bilaterale dhe avancimin e pozitës së Kosovës në procesin e integrimit euroatlantik”, ka shkruar Osmani në Facebook.
Gjithashtu, presidentja e vendit ka shkruar se Letonia është partnere e rëndësishme dhe mbështetëse e palëkundur e Kosovës./teve1.info/
