Për përçarjet brenda partisë së LDK-së, ish-anëtari i LDK-së, Rexhep Osmani ka deklaruar se LDK-ja ka një traditë të keqe të spastrimit kadrovik.
Ku sipas tij, politika kadrovike e LDK-së nuk është udhëhequr drejt ngase ka ndikuar në grupet para politike që kanë punuar afër udhëheqjes së LDK-së.
Derisa, ai tha se të gjitha partitë politike duhet të mendojnë qartë dhe drejtë, që Kosova të ketë njerëz që të udhëheqin një proces politik pa sharje e shpifje.
“Këtu unë mendoj që LDK-ja e ka një traditë të keqe të spastrimit kadrovik dhe politika kadrovike e LDK-së nuk është udhëhequr drejt ngase më tepër ka ndikuar grupet e caktuara para politike që kanë punuar afër udhëheqjes së LDK-së. Një klasë intelektualësh herët e kanë lëshuar LDK-në. Unë mendoj se jo vetëm LDK-ja por edhe partitë të tjera duhet të mendojnë qartë dhe drejtë se çfarë procesi politik po ecë në Ballkan dhe më gjerë në mënyrë që Kosova në këtë rreth të ketë njerëz që i dalin zot deri në fund për arsye se kërcënimet rreth saj janë të shumta, çështja e bashkëpunimit të partive duhet të jetë me programe, jo me sharje, jo me shpifje dhe intriga të ndryshme”, ka deklaruar Osmani në emisionin “Ditari” në tëvë1.
Madje, ai tha se LDK-ja është motër e PDK-së së Shqipërisë, ku sipas tij raportet mes Kosovës dhe Shqipërisë duhet të kenë kujdes.
“Lidhja Demokratike e Kosovës ka qenë dhe është motër e Partisë Demokratike të Shqipërisë, këto raporte mes Kosovës dhe Shqipërisë duhet shikuar me kujdes, ne duhet të kemi kujdes se çfarë po ndodhë në Shqipëri sepse ajo çka ndodhë në Shqipëri mund të reflektojë në Kosovë dhe anasjelltas”, tha ai./teve1.info/
