Presidentja e Kosovës, Vjosa Osmani ka thënë se Kosova në paraqitjet e deritanishme në Lojërat Olimpike në Paris, demonstroi shpirt luftarak, këmbëngulje e profesionalizëm.
Osmani përmes një postimi në Facebook theksoi se një medalje e argjendtë e duele të tjera sfiduese janë dëshmi e vendosjes së Kosovës në majat e sportit botëror, shkruan teve1.info
“Në paraqitjet e deritashme në Lojërat Olimpike në Paris, Kosova demonstroi shpirt luftarak, profesionalizëm dhe këmbëngulje. Një e argjendtë dhe duele të tjera jashtëzakonisht sfiduese janë dëshmi e vendosjes së shtetit tonë në majat e sportit botëror. Dje, fati nuk ishte në anën tonë as në garat e xhudos e as në atë të boksit, pavarësisht punës së pareshtur e paraqitjes së jashtëzakonshme të sportistëve tanë“, ka shkruar Osmani në Facebook.
Presidentja Osmani, deklaroi se pavarësisht se garuesit a fitojnë medalje apo jo, Kosova është me ta në çdo sfidë.
“Teksa paraqitjet e tjera po i përcjellim nga Kosova, shpresoj që të gjithë garuesit tanë ta dijnë se pavarësisht se a fitojnë medalje apo jo, Kosova është me ta në çdo hap e në çdo sfidë“, përfundoi ajo.
