Presidentja e Kosovës, Vjosa Osmani, ka thënë se Serbia po përdor taktikat ruse për të frikësuar Kosovën.
Osmani në një intervistë për “The Sun” ka thënë që mendon se një pushtim në shkallë të plotë nuk ka gjasa të ndodh në këtë fazë, raporton teve1.info.
Osmani ka thënë se Kosova është e sigurt se Serbia do të dështojë nëse ata përpiqen të pushtojnë dhe rimarrin territorin.
Sipas The Sun, presidentja e vendit është e shqetëusuar nga taktikat e Putinit që përdoren nga Serbia dhe presidenti i saj i lidhur me Rusinë, Aleksandar Vuçiq.
Osmani ka thënë se Vuçiq është “thellsisht i lidhur” me Putinin dhe ajo ka akuzuar më parë Serbinë për planifikimin e një operacioni për të rrëmbyer territorin e Kosovës, ashtu siç bëri Rusia në Krime.
Osmani i ka kërkuar Perëndimit të vazhdojë t’i mbështesë ata, duke paralajmëruar se konflikti në Ballkan do të destabilizojë më tej një Evropë tashmë të brishtë.
“Paqja në Ballkanin Perëndimor është shumë e lidhur me paqen në Londër, në Nju Jork, në Uashington, në Paris, në Berlin, sepse historia tregon se mungesa e paqes dhe sigurisë në Evropë është mungesë e paqes dhe sigurisë ndërkombëtare. Dhe kjo mungesë paqeje dhe sigurie në Ballkanin Perëndimor do të thotë një Evropë e destabilizuar”, ka thënë ajo. /teve1.info/
