Presidentja Vjosa Osmani duke përkujtuar sakrificën e familjes Jashari tha se në këtë periudhë që po përballet bota, Kosova duhet sa më parë të anëtarësohet ne NATO.
“Sot janë bërë 24 vjet nga rënia e familjes Jashari e rrethuar tri ditë nga Jugosllavia duke mbrojtur pragun e shtëpisë dhe idealin e lirisë. Sot bëhen 24 vjet që vendi ynë njohu trimërinë e kësaj familjeje. Përkulemi para kësaj familjeje dhe të gjithë martiret që ranë në vendin tonë. Nuk do ta harrojmë detyrimin që kemi ndaj atyre që dhanë jetën për lirinë e Kosovës”, tha Osmani.
Kryeministri Albin Kurti në fjalën e tij ka kujtuar sakrificën, dhe flijimin e një familje të tërë për çlirimin dhe pavarësimin e Kosovës.
“Kur ka ngjarë Epopeja e UÇK-së ajo e ka marrë vendimin për çlirimin e Kosovës… Mbaj mend që Epopeja e 5, 6 e 7 marsit kishte ndodhur pas dy sulmeve mbi Jasharëve 1991 dhe 1998, por njëkohësisht kishte ndodhur edhe më 2 mars 1998 dhe 9 mars 1998. Dëshmorët janë njerëzit që i kanë vendosur para zgjidhjes së përjetshme, ne nuk kemi dëshmorë në çështje civile, ne kemi dëshmorë politikë. Duhet të kuptojmë dëshmorët në ligjërimin akademik, dëshmorët tanë kanë një specifikë. Nuk duhet të harrojmë se para një dekadë shekulli shqiptarët janë bërë dëshmorë pa asnjë shtet”, tha Kurti.
Luftën sublime të Ushtrisë Çlirimtare të Kosovës, e kanë kujtuar shoqatat e dala nga lufta.
Një fjalë rasti ka mbajtur edhe përfaqësuesi i familjes Jashari, Rifat Jashari, falënderoi të gjithë të pranishmit, si dhe familjarët e dëshmorëve.
