Presidentja Vjosa Osmani ka përkujtuar 24-vjetorin e Betejës së Koshares, duke e cilësuar këtë betejë ndër më të lavdishmet të Ushtrisë Çlirimtare të Kosovës.
Osmani ka shkruar se kjo betejë dëshmoi fuqishëm se sakrifica për liri është shumë e lartë dhe se liria nuk ka çmim.
“Rënia heroike e komandantëve Salih Çekaj, Agim Ramadani, Xhemajl Fetahaj, Abaz Thaçi dhe komandantëve e luftëtareve të tjerë, dëshmoi se Beteja e Koshares ruan vend nderi në kujtesën tonë kolektive”, ka shkruar Osmani.
Presidentja ka shkruar se edhe këtë vit Manifestimet “Ditët e Shqipes”, që i kushtohen kësaj beteje të lavdishme, organizohen nën përkujdesin e Presidentes së Republikës së Kosovës.
