Osmani ka falënderuar Irlandën për mbështetjen e deritanishme, duke potencuar se integrimi euro-atlantik nuk ka alternativë për Republikën e Kosovës.
Në komunikatën për media të lëshuar nga presidenca, thuhet se Osmani ka potencuar se sa më shumë që BE e zbehë dhe zvarritë perspektivën evropiane të Ballkanit Perëndimor, aq më tepër do të krijohet hapësirë për ndikime malinje të faktorëve të tjerë në rajonin tonë.
“Presidentja kërkoi mbështetje nga Irlanda edhe për anëtarësimin e e Kosovës në Këshillin e Evropës, ku Irlanda tani e ka rolin udhëheqës”, thuhet në komunikatën e presidencës.
“Me anëtarësimin e Kosovës në këtë organizatë, përfitojnë edhe qytetarët e Kosovës, por edhe vetë Këshilli i Evropës duke forcuar rradhët e veta me një shtet demokratik me nivel të lartë të mbrojtjes së të drejtave të njeriut dhe të sundimit të ligjit”, tha Osmani. /Teve1.info/
