Presidentja e Kosovës, Vjosa Osmani, të enjten në Kopenhagë ka zhvilluar një takim me kryeministrin e Holandës, Dick Schoof, ku kanë diskutuar për zhvillimet e fundit në fushën e sigurisë, për forcimin e partneritetit ndërmjet Kosovës dhe Holandës, si dhe për thellimin e bashkëpunimit ekonomik.
Osmani ka theksuar se një nga temat kryesore të diskutimit ka qenë edhe kërkesa e saj për mbështetje nga Holanda në finalizimin e procesit të heqjes së masave të Bashkimit Evropian ndaj Kosovës.
“Në Kopenhagë, me Kryeministrin e Holandës, Dick Schoof, diskutuam për zhvillimet e fundit në fushën e sigurisë, për forcimin e partneritetit ndërmjet Kosovës dhe Holandës, si dhe për thellimin e bashkëpunimit tonë ekonomik. Gjithashtu, kërkova mbështetjen e Holandës për finalizimin e procesit të heqjes së masave të padrejta të BE-së ndaj Kosovës, të cilat po dëmtojnë të gjithë qytetarët tanë”, ka bërë të ditur Osmani në një postim në Facebook./teve1.info/
