Presidentja e Kosovës, Vjosa Osmani ka thënë se historia e Nënë Ferdonijes në Krushë të Madhe duhet të shërbejë si kujtesë e historisë sonë të trishtë dhe kërkesës për drejtësi.
Osmani në Facebook tha se shtëpia e saj tashmë është kthyer në muze, derisa pjatat në tavolinë janë bërë personifikim i pritjes për djemtë dhe bashkëshortin.
“Shtëpia e saj tashmë është muze. Pjatat në tavolinë janë bërë personifikim i pritjes për djemtë dhe bashkëshortin e Nënës Ferdonije Çerkezi, e cila prej 25 vjetësh, dhimbjen e ka bashkuar me pritjen. Në ora 11:00, 25 vjet më parë ajo pati takimin e fundit me katër djemtë dhe bashkëshortin, të cilët forcat e regjimit gjenocidal të Serbisë, i rrëmbyen dhunshëm. Eshtrat e dy djemve janë gjetur, teksa pritja për zbardhjen e fatit të 2 djemve dhe bashkëshortit, ende nuk ka marrë fund. Nga atherë, pritja e ka rënduar, por Nëna stoike nuk ka hequr dorë nga shpresa. Historia e Nënë Ferdonijes duhet të shërbejë si kujtesë e historisë sonë të trishtë, por edhe e përgjegjësisë që të mos reshtim në kërkesën për drejtësi dhe në mbrojtje të së vërtetës”, shkroi Osmani./teve1.info./
