Ish-presidentja e Kosovës, Vjosa Osmani, ka shprehur mirënjohjen e saj ndaj kongresmenëve amerikanë që kanë inicuar një rezolutë në Dhomën e Përfaqësuesve për të përkrahur integrimin e Kosovës drejt NATO-s.
“Liria e Kosovës u krijua së bashku me Shtetet e Bashkuara. Sot, Forca e Sigurisë së Kosovës qëndron si një forcë mbrojtëse e ndërveprueshme me NATO-n, e ndërtuar krah për krah me Forcat e Armatosura të SHBA-së. Me udhëheqjen dhe partneritetin e Amerikës, Kosova duhet të përparojë në mënyrë të qëndrueshme dhe të sigurt drejt vendit të saj të merituar në NATO”, ka shkruar Osmani.
Ajo gjithashtu ka theksuar rëndësinë strategjike të bashkëpunimit për paqen dhe stabilitetin në rajon:
“Ky është një angazhim strategjik i përbashkët dhe i fortë, si shkëmb, dhe një imperativ për paqen, sigurinë dhe stabilitetin për të gjithë Ballkanin Perëndimor dhe për Evropën në përgjithësi. Kosova në NATO përparon si interesat tona, ashtu edhe interesat amerikane në kontinentin evropian”, ka shtuar Osmani./teve1.info/
Profound gratitude to @RepKeithSelf, @RitchieTorres and @RepMikeLawler for introducing the House resolution expressing strong support for #Kosovo’s integration into #NATO.
Kosovo’s freedom was forged together with the United States. Today, the Kosovo Security Force stands as a…
— Vjosa Osmani (@VjosaOsmaniPRKS) May 1, 2026
