Me të mbërritur kryeministri Kurti në fshatin Shtuticë të Drenasit i foli të gjithë burrave që ishin duke e pritur.
E më pas, bashkë u nisën drejt përmendores së ngritur në kujtim të 76 të rënëve në 25 vjetorin e Masakrës së Shtuticës.
Pasi u nderuan ata që ranë për lirinë e Republikës, Kurti kujtoi sakrificën e tyre dhe kërkoi drejtësi për këtë krim dhe të gjitha krimet tjera që Serbia kreu në Kosove gjatë luftës.
Homazhe në këtë vend bëri edhe presidentja e Kosovës, Vjosa Osmani.
Ajo ka kujtuar veprën e heroit Ilaz Kodra, i cili ra dëshmor me 30 prill të vitit 1999.
Për krejt këto krime, Osmani pati një thirrje për institucionet e drejtësisë.
Në këtë memorial janë të varrosur 10 dëshmorë, 66 martirë, 11 fëmijë, 5 gra dhe 6 pleq.
Para 25 viteve, forcat serbe pamëshirshëm privuan nga jeta qindra civil të pafajshëm në Shtuticë, Vërboc, e Gllobar.
