Presidenca ka njoftuar se gjatë takimit, Osmani ka potencuar faktin se Kosova e përkrahë vazhdimin e bashkëpunimit mes dy vendeve në kuadër të procesit të Berlinit.
“Presidentja Osmani dhe Kryeministri Abazoviq theksuan edhe një herë rëndësinë e bashkëpunimit në mes të vendeve të rajonit e me këtë rast. Presidentja Osmani potencoi rëndësinë e bashkëpunimit të ndërtuar mbi premisat e barabarësisë dhe gjithpërfshirjes, si dhe faktin se Kosova përkrahë vazhdimin e bashkëpunimit në kuadër të procesit të Berlinit. Ndërlidhur me zhvillimet në Evropë si pasojë e luftës në Ukrainë, dy liderët diskutuan edhe për rëndësinë e vazhdueshme të koordinimit të veprimeve me Bashkimin Evropian në raport me agresionin rus në Ukrainë”, thuhet ndër tjerash në njoftim.
Po ashtu, Osmani gjatë takimit me Abazoviqin ka kërkuar edhe përkrahjen e qeverisë malazeze për anëtarësimin e Kosovës në Këshillin e Evropës.
“Presidentja Osmani ka thënë se Kosova e vlerëson dhe e përkrah bashkëpunimin me Malin e Zi në të gjitha fushat, duke theksuar edhe mundësinë për shkëmbim të përvojave për procesin e integrimit evropian. Më tej, Presidentja Osmani ka kërkuar përkrahjen e qeverisë së Malit të Zi për anëtarësimin e Kosovës në Këshillin e Evropës në veçanti, si dhe në organizata ndërkombëtare në përgjithësi”, njofton tutje Presidenca./teve1.info/