Në një paraqitje direkte nga Brukseli te selia e NATO-s, presidentja e vendit, Vjosa Osmani tha se sot ka pasur një ditë intensive dhe plot takime.
Nga atje, ajo përmendi edhe veriun e Kosovës, me ç’rast tha se do vazhdojnë të koordinohen me aleatët, në mënyrë që të zgjidhen të gjitha sfidat e sigurisë, përcjell teve1.info
Tutje, Osmani deklaroi se Kosova do vazhdojë të dëshmojë që është partner i NATO-s.
“Shumë nga sfidat me të cilat ballafaqohemi, në veçanti ato në veri të vendit për shkak të grupeve të organizuara kriminale serbe, i diskutuam sot, duhet të punojmë bashkë me partnerët tanë, duhet të punojmë bashkë me aleatët tanë, në mënyrë që t’i zgjidhim të gjitha këto sfidat e sigurisë, sepse çështja e sigurisë asnjëherë nuk është individuale, është gjithnjë kolektive. Në këto 25 vite, Kosova e ka dëshmuar që është partner i NATO-s, do të vazhdojmë ta dëshmojmë këtë edhe sot e tutje dhe natyrisht do të vazhdojmë të koordinohemi me partnerët tanë në të mire të të gjithë qytetarëve tanë, të sovranitetit tonë, por edhe të paqes dhe stabilitetit rajonal”, u shpreh ajo.
Presidentja Osmani ka udhëtuar për në Bruksel për vizitë zyrtare në selinë e NATO-s, ku sot është takuar me sekretarin e Përgjithshëm i NATO-s, Jens Stoltenberg. /Teve1.info/
