Presidentja e Kosovës, Vjosa Osmani dhe e ngarkuara me Punë të SHBA-së në Kosovë, Anu Pratipati, kanë diskutuar për zhvillimet e fundit të vend, dhe hapat e mëtejshëm për konstituimin e Kuvendit
Poashti ato diskutuan edhe për agjendën dhe takimet e planifikuara në kuadër të Asamblesë së Përgjithshme të Kombeve të Bashkuara në Neë York.
Osmani do të jetë kryesuese e delegacionit të Kosovës.
“Gjatë takimit u diskutua për zhvillimet e fundit në vend, përfshirë zgjedhjen e kryetarit të Kuvendit dhe shumicës së nënkryetarëve, si dhe hapat e mëtejshëm drejt konstituimit të plotë të Kuvendit. Në mesin e temave të diskutuara ishte edhe bashkëpunimi dypalësh, ku u rikonfirmua gatishmëria për avancimin e mëtejshëm në fusha me interes strategjik për të dyja vendet .Në prag të Javës së Nivelit të Lartë të Asamblesë së Përgjithshme të Kombeve të Bashkuara në New York, ku Presidentja Osmani do të marrë pjesë edhe këtë vit si kryesuese e delegacionit të Kosovës në cilësinë e saj si Kreu i shtetit, u diskutua për agjendën si dhe pritshmëritë nga takimet dhe aktivitetet e planifikuara”, thuhet nga Presidenca.
