Presidentja e Kosovës, Vjosa Osmani, është takuar në New York me ish-presidentin amerikan, Bill Clinton, në kuadër të aktiviteteve të saj në Shtetet e Bashkuara.
Përmes një postimi në Facebook, Osmani ka bërë të ditur se bashku me Clintonin kanë ndarë rrëfimin e Kosovës, nga çlirimi e deri më sot, përpara një audience nga e gjithë bota.
“E nderuar që rrëfimin e Kosovës, nga çlirimi e deri më sot, ta ndaj së bashku me Presidentin Clinton në New York në prani të një audience të jashtëzakonshme nga e gjithë bota. Mirënjohje e përjetshme për aleatin tonë historik, Shtetet e Bashkuara”, ka shkruar ajo në Facebook.
