Gjatë qëndrimit në Maltë, Osmani sot është takuar me kryetarin e Parlamentit të Maltës Anglu Farrugia dhe me ministrin e Punëve të Jashtme, Evarist Bartolo.
Në një postim në Facebook, Osmani ka theksuar se deri tani Malta i ka dhënë përkrahje të fuqishme rrugës evropiane të Kosovës.
“Gjatë qëndrimit në Maltë, takova edhe kryetarin e Parlamentit të Maltës, z. Anġlu Farrugia si dhe Ministrin e Punëve të Jashtme të Maltës, z. Evarist Bartolo. Deri tani Malta i ka dhënë përkrahje të fuqishme rrugës evropiane të Kosovës dhe anëtarësimit të vendit tonë në organizata ndërkombëtare. Diskutuam se si të rritet kjo përkrahje tash e tutje si dhe bashkëpunimi bilateral ndërmjet të dyja vendeve”, ka shkruar Osmani. /Teve1.info/
