Presidentja e Kosovës, Vjosa Osmani në konferencë për media ka deklaruar se mbajtja e zgjedhjeve më 21 dhjetor është pothuajse i pamundur për shkak të pamundësisë së ardhjes së vëzhguesve ndërkombëtarë në një afat kaq të shkurtër.
Sipas saj, data 28 dhjetor mbetet më e realizueshme për shkak të mundësisë më të madhe të organizimit të vëzhgimit ndërkombëtar.
Osmani theksoi se numrat në Kuvend janë çështje e vullnetit të qytetarëve dhe se institucionet duhet të veprojnë në përputhje me procedurat.
“Tani për tani nuk e shoh të mundshme që kushdo me këdo të diskutoj dhe të merren vesh, sepse numrat në Kuvend janë të paparashikueshëm ato janë qëeshtje e vullnetit të qytetarëve të Kosovës, sa i përket datës 28 dhjetor, sa i përket vëzhgimit ndërkombëtar mundësia është më e vogël për datën 21 dhjetor meqenëse që unë jam institucioni që unë i dërgoj kërkesë gjithnjë BE-së për të dërguar delegacione ata asnjëherë nuk kanë pasur mundësi që kur kemi zgjedhje të shkurtura në afat të shkurtër të dërgojnë ekipet monitoruese të stilit cfare na duhet neve madje edhe kur ka pasur më shumë se 30 ditë, jemi në komunikim me Parlamentin Evropian”, deklaroi Osmani në konferencë për media./teve1.info/
