Presidentja e Kosovës, Vjosa Osmani, ka pritur të mërkurën në takim komandantin e Gardës Kombëtare të shtetit amerikan të Iowas, gjeneralmajor Stephen Osborn.
Sipas Presidencës, Osmani dhe Osborn kanë diskutuar për bashkëpunimin e ngushtë ndërmjet FSK-së dhe Gardës Kombëtare të Iowas, si dhe për planet e ardhshme të thellimit të këtij partneriteti strategjik.
“Aleanca me SHBA-të në fushën e mbrojtjes, e fuqizon shtetin dhe sovranitetin e Republikës së Kosovës”, ka theksuar Osmani.
Më tej, thuhet se Osmani ka shprehur mirënjohje dhe vlerësim të lartë për mbështetjen e vazhdueshme që Garda e Iowas i ka dhënë FSK-së në zhvillimin dhe avancimin e kapaciteteve operacionale, të cilat ‘u demonstruan me sukses gjatë ushtrimit të përbashkët ndërkombëtar “Defender Europe 2025”.
“ Ajo veçoi faktin se këtë vit, në kuadër të këtij ushtrimi, Kosova pati nderin të mirëpresë Komandën Taktike të Divizionit të 28-të të Këmbësorisë së Ushtrisë Amerikane, dhe se pjesëtarë të Gardës Kombëtare të Ioëas ishin pjesë aktive e forcës së përbashkët që veproi në territorin e Kosovës. “, theksohet në komunikatë.
Në takim, presidentja gjithashtu ka shprehur falënderim dhe vlerësim për mundësinë që i është dhënë një kontingjenti të FSK-së për të kryer stërvitje të përbashkëta në Qendrën e Trajnimit për Gatishmëri të Përbashkët në Louisiana, së bashku me pjesëtarët e Gardës së Ioëas dhe forcave tjera aleate amerikane./teve1.info/
