Presidentja e Kosovës, Vjosa Osmani një ditë pas varrimit të policit Afrim Bunjakut , në një postim në Facebook ka shkruar se Kosova është ngritur mbi sakrificën sublime të një populli.
Tutje, ajo ka thënë se Afrimi na bindi sërish se flijimi i jetës për atdheun është rilindje, jo vdekje.
“Dje i dhamë lamtumirën heroit Afrim Bunjaku. Kosova është ngritur mbi sakrificën sublime të një populli. Ajo po mbahet mbi këtë sakrificë e do të jetojë përjetësisht falë trimave si Afrimi. Afrimi na bindi sërish se flijimi i jetës për atdheun është rilindje, jo vdekje. Duke rënë për Kosovën ai e përjetësoi jetën e tij. Tani ai është hero i Kosovës, bir i saj i shtrenjtë që jeton në altarin e historisë së atdheut. Lavdi heroit Afrim Bunjaku!”, ka shkruar Presidentja.
Të hënën, Afrim Bunjakut u dha lamtumira e fundit, ai u varros me ceremoni shtetërore në varrezat e fshatit Samadrexhë të Vushtrrisë.
