Presidentja e Kosovës, Vjosa Osmani, ka përkujtuar figuren e veprimtarit të çështjes kombëtare, Adem Demaçit, duke e cilësuar atë si simbolin e qëndresës, disidentin e pathyeshëm dhe zërin e të pambrojturve.
E para e vendit ka thënë se Demaçi sakrifikoi lirinë e tij individuale për lirinë kolektive të popullit të tij.
“Në vend të hakmarrjes, ai predikoi paqen. Në vend të urrejtjes, ai mbolli pajtimin. Në vend të frikës, ai fliste me guxim për të vërtetën. Ai sakrifikoi lirinë e tij individuale për lirinë kolektive të popullit të tij. Emri i tij do të jetojë sa vetë liria! Qoftë i përjetshëm kujtimi për Bacën Adem”, ka shkruar Osmani./teve1.info/
