Presidentja e Kosovës, Vjosa Osmani, së bashku me ambasadorë të akredituar të shteteve aleate kanë bërë homazhe te Memoriali i ushtarëve të rënë të NATO-s për lirinë e Kosovës, në 25 vjetorin e fillimit të intervenimit të NATO-s.
Pas homazheve Osmani tha se 25 vite më parë filloi shpresa e madhe për Kosovën.
“25 vite më parë për Kosovën fillojë shpresa e madhe. 24 marsi vërtetë ishte ditë e shpresës, sepse për herë të parë aleancat e botës demokratike u bënë bashkë për të parandaluar shfarosjen e popullit të Kosovës nga regjimi i atëhershëm gjenocidal i Millosheviqit dhe se bashku me shumë shtete të tjera partnere arritëm që Kosova më në fund të bëhet e lirë dhe atë ditë të çlirimit ne edhe do ta shënojmë me 12 qershor të këtij viti ”, ka deklaruar Osmani, shkruan teve1.info
Tutje, ajo ka thënë se shtetet mike, jo vetëm që kanë ndihmuar Kosovën në vitin 99, por po qëndrojnë me ne edhe sot, përderisa përballemi me sfida të shumta për ta fuqizuar Kosovën edhe ndërkombëtarisht.
Me tej, Osmani ka thënë se beson që Kosova shumë shpejtë do të këtë ulëse në NATO dhe t’i ndihmojë vendet tjera.
“Kjo ditë e shpresës së madhe u shndërruar në një partneritet të pafuqishëm dhe të palëkundur ndërmjet Kosovës dhe botës demokratike, aleanca që edhe sot vazhdojnë. Prandaj edhe sot jam shoqëruar nga ambasadorët dhe përfaqësuesit e shteteve mike, shtete që qëndruan pranë Kosovës jo vetëm me 24 mars, jo vetëm në vitin 99, por po qëndrojnë me ne edhe sot, përderisa përballemi me sfida të shumta për ta fuqizuar Kosovën edhe ndërkombëtarisht.
Duan në emër të popullit të Kosovës të i falënderojë secilin nga ushtarët e NATO-s të cilët rrezikuan jetën e tyre në mënyrë që ta shpëtojnë tonën. Po ashtu, të i falënderojë të gjithë liderët e shteteve demokratike të cilët nuk i mbyllën sytë para vuajtjeve të popullit të Kosovës, por na dolën zot, na erdhën në erdhën në shpëtim, ku edhe sot qëndrojnë pranë nesh…Kosova besoje shumë shpejtë që do të ulët në NATO, përkrahë miqve që na qëndruan pranë në momentet më të vështira dhe ta kthejë këtë borxh duke ndihmuar në vende të tjera…”, ka thënë Osmani./teve1.info
