Misioni i OSBE-së në Kosovë kanë thënë se kanë vëzhguar me shqetësim në rritje aksionin e Policisë së Kosovës në katër komunat veriore të hënën, për mbylljen e gjashtë njësive të Bankës Postare Kursimore.
OSBE-ja kanë thënë se mirëpresin përpjekjet e BE-së për të gjetur një zgjidhje të dakorduar për trajtimin e transaksioneve.
“Misioni i OSBE-së ka monitoruar me shqetësim në rritje veprimet e ndërmarra nga Policia e Kosovës kundër institucioneve financiare në komunat Leposaviq/Leposaviq, Zubin Potok, Zveçan/Zveçan dhe Mitrovicë/Mitrovicë Veriore. OSBE-ja mirëpret përpjekjet e bëra nga BE-ja, si lehtësues i dialogut Beograd-Prishtinë, për të gjetur një mënyrë të dakorduar përpara për trajtimin e transaksioneve me para të gatshme.
Është thelbësore që të dyja palët të vazhdojnë të angazhohen në mënyrë konstruktive me BE-në në një përpjekje të dyfishuar për t’i zgjidhur këto çështje brenda Dialogut, për të shmangur veprimet destabilizuese dhe për t’i bërë prioritetet kryesore interesat dhe mirëqenien e banorëve të zakonshëm nga të gjitha komunitetet”, thuhet në reagimin e tyre në “X”.
The OSCE Mission has been monitoring with growing concern actions taken by the Kosovo Police against financial institutions in the municipalities of Leposavić/Leposaviq, Zubin Potok, Zvečan/Zveçan and Mitrovica/Mitrovicë North.⬇️
— OSCE Kosovo (@OSCEKosovo) May 21, 2024
