Më shumë se 165 organizata të mëdha bamirëse ndërkombëtare dhe joqeveritare kanë bërë thirrje për ndërprerjen e menjëhershme të të ashtuquajturit Fondacion Humanitar për Gazën (GHF), entitetit sekret të krijuar nga SHBA-të dhe Izraeli për të lënë mënjanë OKB-në dhe grupet ndërkombëtare të ndihmës.
“Palestinezët në Gaza përballen me një zgjedhje të pamundur: të vdesin urie ose të rrezikojnë të qëllohen ndërsa përpiqen me dëshpërim të arrijnë ushqim për të ushqyer familjet e tyre. Javët pas nisjes së skemës izraelite të shpërndarjes kanë qenë disa nga më vdekjeprurëset dhe më të dhunshmet që nga tetori i vitit 2023”, tha grupi në një njoftim të përbashkët për shtyp, duke shtuar se GHF nuk u sjell asgjë tjetër përveç urisë dhe të shtënave me armë popullit të Gazës”.
OKB-ja dhe grupet e tjera të ndihmës kanë theksuar vazhdimisht se janë të afta t’u ofrojnë ndihmë të qëndrueshme popullit të Gazës, nëse Izraeli heq bllokadën që ka sjellë më shumë se dy milionë palestinezë në prag të urisë .
Rreth 600 palestinezë janë vrarë në ose pranë vendeve të ndihmës së GHF që kur ato filluan në fund të marsit.
GHF u përgjigj në një deklaratë, duke thënë se grupet e ndihmës së themeluar duhet të ndalojnë “grindjet dhe ofendimet nga anët” dhe t’i bashkohen grupit të kryesuar nga një udhëheqës ungjillor, Johnnie Moore Jr, i cili është një aleat i ngushtë i Donald Trump./Al Jazeera/
