Ai theksoi se do të bëjnë një lloj profili sa i përket punës e integritetit akademik.
“Të premtën do të dalim me profile për secilin prej kandidatëve që është pretendent për pozitën e të parit të Universitetit, për secilin do të bëjmë një lloj profili sa i përket punës akademike, integritetit akademik që ne tash e gati gjashtë vite hulumtojmë”, ka thënë ai në “Info Nata” në Tëvë1.
Hoxha foli edhe për mundësinë e plagjiaturës së këtyre kandidatëve, ku nuk e përjashtoi edhe mundësinë që brenda profileve që do t’i publikojnë do të përfshijnë edhe raportime mediale për të gjithë kandidatët.
Ai madje njoftoi se profesorin, Ilir Tolaj e kanë denoncuar në Këshillin e Etikës për shkak të gjetjes së plagjiaturës për punën e tij të doktoraturës.
“Sa i përket pretendimeve dhe asaj se sa ne kemi mujt deri në këtë kohë me dedektu në punët e tyre që lidhet me plagjiaturën dhe potencialisht ndonjë element të plagjiaturës në punën e tyre akademike, gjithashtu nuk e kemi përjashtuar edhe mundësinë që brenda profilit të përfshijmë edhe raportime mediale për këto personalitete”, tha Hoxha.
“Ne kemi bërë një gjetje për profesorin, Ilir Tolaj dhe sot e denoncuam në Këshillin e Etikës gjetje për plagjiaturë për punën e tij të doktoratës”, shtoi ai.
I pyetur se në çka bazohen gjetjet e tyre për plagjiaturë, ai tha se bazohen në platformen që është e njohur globalisht e që bën dedektimin e ngjashmërive të teksteve.
“Kemi siguruar çasjen në platformën më serioze që është për dedektimin e ngjashmërive të tekstit, pra plagjiaturës edhe me që kemi siguruar çasjen në këtë platformë e që është e njohur globalisht për dedektimin e plagjiaturës, ne morëm punët e doktoratës të secilit prej kandidatëve dhe pamë punët shkencore që këta kandidat i kanë paraqitur në CV-të e tyre”, theksoi ai.
Ndryshe, kandidatët për të parin e UP-së janë: Sefer Avdijaj nga Fakulteti i Shkencave Matematike – Natyrore (FSHMN), But Dedaj nga Fakulteti Ekonomik, Ermir Rugova nga (FSHMN), Qerim Qerimi nga Fakulteti Juridik, Sali Salihu nga Fakulteti i Bujqësisë dhe Ilir Tolaj nga Fakulteti Mjekësisë./teve1.info
https://teve1.info/lajmet/1keta-jane-6-kandidatet-per-rektor-te-up-se/
https://teve1.info/lajmet/orca-thote-se-edhe-kandidati-per-rektor-ilir-tolaj-ka-kryer-plagjiature/
https://teve1.info/lajmet/arrestohen-aktivistet-e-orca-s-pas-aktivitetit-simbolik-para-fakultetit-filozofik/
