Kështu nga data 6 tetor, kjo ministri ka mbetur vetëm më ushtrues detyre.
Televizioni ka pyetur zyrën e kryeministrit se kur pritet që Ministria e Shëndetësisë të bëhet më udhëheqës, por nuk ka marrë përgjigje gjatë së mërkurës.
Megjithatë është deputetja e partisë në pushtet, Mirlinda Sadiku –Tishuka që thotë se emërimi i ministrit të ri do të bëhet shpejt.
Por kritika për mos emërimin e ministrit të ri, kanë nga opozita.
Deputeti i PDK-së, Bekim Haxhiu thotë se kjo tregon se qeveria nuk e ka prioritet shëndetësinë.
E deputeti i LDK-së, Armend Zemaj përmes një përgjigje elektronike, thotë se kryeministri Albin Kurti është në kërkim të një ministri kurban për të udhëhequr këtë dikaster.
“Kurti është në kërkim të “ministrit kurban” të radhës në shëndetësi, në mënyrë që ta fsheh paaftësinë e tij si ministër i vetëemëruar, bashkë me keqmenaxhimin enorm që e ka katandisur këtë sektor të rëndësishëm”, tha deklaroi Zemaj.
Ndërkaq sipas Drejtorit të Institutit të Kosovës për Drejtësi, Ehat Miftaraj, nuk ka ndonjë afat ligjor se deri kur qeveria duhet të emërojë dikë në këtë pozitë.
Ministria e Shëndetësisë në qeverisjen e Albin Kurtit është drejtuar nga Arben Vitia e Rifat Latifi.
Kronika e gazetares Doresa Geci.
