Grupi i Shefit Parlamentar të LDK-së, Arben Gashi ka thënë se ka më shumë se katër orë që ka korum për votim, por që Kuvendi nuk po voton.
Sipas tij është e paarsyeshme dhe e palogjikshme pritja e deputetëve.
“Është me rëndësi me kuptu që Kuvendi merr vendime me shumicë. Ne kemi më shumë se katër orë që kemi korum për votim dhe Kuvendi nuk po voton. Kjo nuk është në të mirë të demokracisë, prandaj si grup parlamentar mendojmë se është e paarsyehme me vazhdu me marrë pjesë në seancë, duke marrë parasysh këtë sjellje, ku na pamundësohet qe disa ore me votu mbi bazën e lirë të deputetëve duke prit që pushteti t’i bëjë 61 deputetë, e paarsyeshme, e palogjikshme dhe jo demokratike”, tha Gashi
Ndërsa, shefi i Grupit Parlamentar të PDK-së, Abelard Tahiri kërkoi angazhim më serioz duke thënë se po sheh vetëm angazhim të dobët.
“Kerkojmë angazhim me serioz, perderisa jemi 61 deputetë pse mos me fillu seanca. Po shohim angazhim të dobët, nuk duhet të vazhdojë Kuvendi i Kosovës me dështime te njëpasnjeshme siç jemi duke dështuar”, tha Tahiri.
Po ashtu edhe shefi i Grupit Parlamentar të AAK-së, Besnik Tahiri tha që duke qenë se nuk ka kushte dhe numra kërkoi që të mbyllet seanca.
“Siç po shihet nuk ka kushte, nuk ka numra edhe mendoj që ne mujm me nejt me prezencë fizike po kushte për punën dhe deputet nuk ka kështu që mendoj që duhet me e mbyll këtë seancë”, tha ai.
Në sallën e Kuvendit të Kosovës nga opozita sallën nuk e ka lëshuar vetëm deputetja e AAK-së, Albena Reshitaj e cila deklaroi se do të votojë pro vazhdimit të masave emergjente nga Qeveria e Kosovës.
“Mendoj se ne të gjithë duhet të jeni vigjilent dhe duhet të përkrahim çdo mundësi të masave emergjente për ta tejkaluar krizën energjetike të cilën vetëm e kemi shumë afër”, u shpreh Reshitaj./teve1.info