Partitë opozitare konsiderojnë se Lëvizja Vetëvendosje po e fsheh të vërtetën, me veprimin e partisë në pushtet që bllokoi formimin e komisionit parlamentar për hetimin e situatës energjetike.
Një ditë pasi partia në pushtet nuk votoi pro themelimit të këtij komisioni, opozita ka bërë të ditur se do t’i mbledhë nënshkrimet për formimin e këtij komisioni.
“Grupi Parlamentar i PDK-së, së bashku me deputetë të tjerë të opozitës, do të mbledhin nënshkrimet për themelimin e Komisionit Hetimor lidhur me këtë çështje, themelimi i të cilit pas refuzimit të mazhorancës, konfirmon se nuk kemi të bëjmë vetëm me dyshime të bazuara, por me të vërteta që duhet t’i dinë qytetarët, e të cilat pushteti po tenton t’i evitojë”, tha ai.
Se Lëvizja Vetëvendosje nuk po tregohet transparente, e ka thënë edhe deputeti i Lidhjes Demokratike, Besian Mustafa i ftuar në emisionin “Ditari” në Tëvë1.
“Në përgjithësi pra shihet qartë dhe me vet veprimet e Vetëvendosjes në Kuvend, duke votuar kundër themelimit të një komisioni hetimor parlamentar, është e qartë se kanë diçka për të fshehur”, tha ai.
Të hënën pas votimit, shefja e grupit parlamentar të VV-së, Mimoza Kusari-Lila tha se opozita ka abuzuar me të vërtetën, andaj kjo ishte arsyeja që partia të cilës i përket nuk e votoi këtë komision.
Raporti i gazetarit Gojart Jashari.
