Deputetët e opozitës kanë thënë se nuk do të marrin pjësë në votimin e asnjë projektligji, derisa Qeveria t’i hapë rrugë Komisionit Hetimor për energjinë.
Ndërsa, dje ka dështuar mocioni për formimin e Komisionit Hetimor për krizën energjetike në vend. Këtë nga opozita e kanë cilësuar shkelje të Kushtetutës veprimin e pushtetit dhe të njëjtit paralajmëruan bojkotimin.
Si pasojë e kësaj, ka dështuar mbledhja e Komisionit për Integrime Evropiane, ku ka qenë e paraparë të raportonte ministrja e Drejtësisë, Albulena Haxhiu.
Në Komisionin për Integrim, deputetja e PDK-së,Blerta Deliu-Kodra ka thënë se nuk do të marrë pjesë në votimin e asnjë projektligji pa i hapur rrugë komisionit hetimor.
“Me këtë qasje arrogante të Qeverisë nuk do të marrim pjesë në votimin e asnjë projektligji pa i hapur rrugë komisionit hetimor”, është shprehur ajo.
Edhe deputetja e AAK-së, Time Kadrijaj, ka përdorur të njëjtin arsyetim, e ngjashëm veproi edhe Rrezarta Krasniqi e Lidhjes Demokratike të Kosovës.
Opozita ka bojkotuar edhe Komisionin përLegjislacion, Mandate, Imunitete, Rregulloren e Kuvendit dhe Mbikëqyrjen e Agjencisë Kundër Korrupsionit /teve1.info/
