Zyra e Medias e Qeverisë në Gaza thotë se ofensiva e madhe tokësore izraelite, e nisur në maj të këtij viti, ka vrarë 9,073 civilë dhe ka plagosur 36,900 të tjerë.
Në një deklaratë të publikuar në Telegram, thuhet se numri i viktimave përfshin 2,358 fëmijë, 1,088 gra dhe 455 të moshuar.
Sipas saj, viktimat e mbetura janë burra të cilët janë qëlluar për vdekje “me gjakftohtësi” në vendet e shpërndarjes së ndihmave të GHF-së dhe në autokolonat e ndihmave që hynin në Gaza.
“Ne kërkojmë që komuniteti ndërkombëtar të ndërmarrë veprime serioze dhe efektive për të ndalur këto masakra të kryera nga pushtimi dhe ta mbajë atë përgjegjës, në përputhje me dispozitat e të drejtës ndërkombëtare humanitare,” përfundon deklarata.
ndërkohë, Izraeli ka intesifikuar sulmet në Qytetin e Gazës pas miratimit të një plani për pushtim të tij. Al Jazeera ka raportuar se, të paktën 40 persona janë vrarë në sulmet izraelite që nga orët e para të mëngjesit të sotëm, përfshirë tetë të vrarë ndërsa prisnin ndihmë.
Lufta e Izraelit në Gaza ka vrarë të paktën 62,192 persona dhe ka plagosur 157,114 të tjerë.
View this post on Instagram
