Policia e Kosovës me autorizim të Prokurorisë është duke realizuar dy operacione policore të cilat përfshijnë dy lokacione në dy rajone të ndara.
Kështu ka bërë të ditur për tëvë1.info, zëdhënësi i Policisë së Kosovës, Baki Kelani i cili ka deklaruar se aksioni policor është duke u zhvilluar mbi dyshimet për përfshirje në veprimtari të ndryshime kriminale të personave të dyshuar.
“Prishtinë, 24 shtator 2025 Policia e Kosovës me njesitë e saja relevante, me autorizim të prokurorisë kompetente është duke i realizuar dy operacione policore, të cilat përfshijnë disa lokacione në dy rajone të ndara. Operacionet policore janë duke u realizuar mbi dyshimet për përfshirje në veprimtari të ndryshme kriminale të personave të dyshuar. Pas përfundimit dhe kompletimit të veprimeve policore, në bashkëpunim dhe koordinim me prokurorinë mund të bëhen publike informacione shtesë”, ka deklaruar Kelani.
Lajmi është konfirmuar edhe nga Prokuroria Speciale.
“Nën udhëheqjen e Prokurorisë Speciale, bazuar në urdhrin e Gjykatës Themelore në Prishtinë, Policia e Kosovës po zhvillon një operacion në disa lokacione. Operacioni lidhet me dyshimet për trafikim me substanca narkotike dhe veprat penale: pjesëmarrja ose organizimi i grupit kriminal të organizuar; blerja, posedimi, shpërndarja dhe shitja e paautorizuar e narkotikëve; si dhe pastrimi i parave. Për detaje të tjera, publiku do të njoftohet pas përfundimit të operacionit policor”, ka thënë zëdhënësja Arbnora Luta./teve1.info/
