RENEA, FNSH, forcat Shqiponja dhe Forcat e Posaçme Operacionale kanë zhvilluar një operacion masiv për drogë, armë dhe kapje të personave në kërkim në Pogradec.
Abcnews.al raporton se janë zhvilluar dhjetëra kontrolle.
Burime bëjnë të ditur se janë sekuestruar armë zjarri, armë gjahu e armë të ftohta, shuma parash e lëndë narkotike.
Forcat RENEA kanë rrethuar edhe banesën e të kërkuarit Erjon Llapushi, dhe kanë ushtruar kontroll të imtësishëm. Erjon Llapushi akuzohet për vrasjen e kamarierit Gazment Kurmaku në një lokal në Elbasan në vitin 2021. Llapushi është një personazh i skeduar për aktivitet kriminal, dhunë dhe rrezikshmëri të lartë shoqërore. Aktiviteti i tij kriminal ka nisur që nga viti 2007 me kanosje, plagosje deri në vrasje.
