Spektakli madhështor i Miss World 2025 mblodhi 108 konkurrente nga çdo cep i botës, por ishte një vajzë nga Tajlanda ajo që rrëmbeu kurorën.
Opal Suchata Chuangsri, 22 vjeçe nga Phuket, u shpall zyrtarisht më e bukura e globit, duke e pasuar titullin nga çekja Kristina Piszková.
Fitorja e Opal është një burim krenarie për Tajlandën pasi ajo nuk u vlerësua vetëm për bukurinë dhe prezantimin, por edhe për përfshirjen e saj në kauza me ndikim.
Kur ishte vetëm 16 vjeçe, Opal iu nënshtrua një ndërhyrjeje kirurgjikale për të hequr një gungë beninje në gji. Kjo përvojë personale e frymëzoi të ndërmerrte nismën “Opal For Her”, një fushatë ndërgjegjësimi për shëndetin e gjirit dhe rëndësinë e zbulimit të hershëm të kancerit.
Aktualisht ajo studion Shkenca Politike në Universitetin Shtetëror të Bangkokut, me fokus në marrëdhëniet ndërkombëtare dhe diplomacinë, ndërsa flet rrjedhshëm anglisht dhe kinezisht.
Përveç Opal, në finalen e madhe spikatën edhe Millie-Mae Adams nga Uellsi dhe Monica Kezia Sembiring nga Indonezia, të cilat siguruan vendet e tyre në Top 40 përmes sfidave paraprake.
Miss World 2025 nuk ishte vetëm një garë bukurie, por edhe një platformë për gratë që japin ndikim pozitiv në komunitet. Opal tani do të mbajë titullin e Ambasadores Globale të Miss World, duke përfaqësuar organizatën në kauza humanitare në mbarë botën.
