Oketa në një lidhje direkte në emisionin “Info Nata” në Tëvë1, ka thënë se ka vendosur që të mos kandidoj për asnjë pozicion.
“Informacioni që unë kam është kryesisht informacion mediatik pasi unë kam vendosur që të mos kandidoj për asnjë pozicion”, tha ai.
Sipas tij, nesër në Kuvend do të miratohen disa ndryshime dhe do të bëhet zgjedhje e Këshillit Kombëtar.
Ai thotë se nga Kuvendi i nesërm do t’i hapet rrugë procesit të zgjedhjes së kryetarit të ardhshëm të PD-së.
“Nesër në kuvend do të miratohen disa ndryshime dhe do të bëhet zgjedhje e këshillit kombëtar. Më pas nga ky këshill që do të zgjidhen nga kuvendi nesërm do të zgjidhet si kryesia apo sekretariatet e ndryshëm të PD-së. Pak a shumë kjo është një përmbledhje e shkurtër e asaj çka pritet të ndodh nesër. Proces i cili më pas do t’i hap rrugë procesit të zgjedhjes së kryetarit të ardhshëm të PD-së.
Oketa thotë se nga java e tretë e muajit maj pritet të zgjidhet edhe kryetari i PD-së.
“Pak a shumë është përcaktuar një datë, pritet të jetë fundi java e tretë e muajit maj”, tha ai.
Ai ka duke folur për ndryshimet në parti, ka thënë se duhet gjetur forcën për të kthyer në opozitë serioze dhe vendi ka thënë se është Kuvendi.
“Duhet bërë një opozitë serioze që në momentin e parë të jetë e gatshme për të fituar zgjedhjet”, ka thënë ai.
Për kthimin e disa ish-zyrtarëve të PD-së që janë larguar si Jozefina Topalli ai ka thënë se kjo është një çështje për tu parë. Ai ka thënë se kthimet mekanike nuk sjellin ndonjë gjë të re. /teve1.info
