Sezoni 2025-2026 në ligën më të fortë dhe më atraktive të basketbollit në botë, NBA, ka nisur sot me dy sfida spektakolare.
Në duelin më të pritur, skuadra kampione në fuqi, Oklahoma City Thunder, arriti të fitojë me vetëm një pikë diferencë, 125-124, ndaj rivalëve të Houston Rockets.
Ndeshja u vendos vetëm pas kohës shtesë, duke treguar baraspeshën e madhe në fushë dhe rivalitetin e thellë mes dy ekipeve.
Për kampionët, dallohej ylli i tyre i sezonit të kaluar, Alexander Shai, i cili shënoi plot 35 pikë.
Ai u mbështet fuqishëm nga bashkëlojtarët, ku në veçanti spikati Holmgren me 28 pikë të tjera.
Në anën tjetër, për Houston Rockets, Sengun ishte fantastik me 39 pikë, ndërsa Kevin Durant, i shtoi 23 pikë tjera.
Në një tjetër takim të rëndësishëm, skuadra e Los Angeles Lakers nuk arriti të nisë sezonin me fitore, duke u mundur në fushën e tyre me rezultatin 119-109 nga Golden State Warriors.
Mysafirët e Golden State patën një performancë të shkëlqyer nga ylli i tyre, Jimmy Butler, i cili realizoi 31 pikë dhe udhëhoqi ekipin drejt fitores.
Edhe pse Luka Doncic ishte një përbindësh në fushë për Lakers, duke shënuar 43 pikë dhe kapur 12 kërcime, u vërejt mungesa e Yllit të skuadrës Lebron James.
