Kombet e Bashkuara kanë lëshuar paralajmërim se të gjithë fëmijët nën moshën pesë vjeçare në Gaza rrezikohen nga një kequshqyerje kërcënuese për jetën, derisa raportimet për vdekjet e shkaktuara nga uria po rriten mes bllokadës izraelite për ndihmat.
Programi Botëror i Ushqimit i OKB-së tha se fëmijët në këtë grupmoshë – rreth 320,000 në numër – janë prekur nga një kolaps i shërbimeve ushqimore dhe po vuajnë nga mungesa e ujit të pastërt, formulave për foshnjë dhe ushqimin terapeutik.
Pediatria, Seema JIlani i ka thënë Al Jazeera-së se kequshqyerja “ ndikon në të gjithë trupin”, duke i vënë fëmijët në rrezik të dështimit të shumë organeve. Ajo tha poashtu se uria në Gaza është traumatike për fëmijët dhe se “periudha e zhvillimit po ju humb”.
Spitalet në Gaza të hënën kanë regjistruar 6 vdekje të reja në 24 orët e fundit nga uria dhe kequshqyerja, përfshirë dhe një fëmijë, sipas Ministrisë së Shëndetësisë.
Numri i përgjithshëm i vdekjeve të lidhura me kequshqyerjen që nga fillimi i luftës ka arritur tashmë në 181, përfshirë 94 fëmijë.
Ministria lëshoi alarm poashtu për një “përshkallëzim serioz” të rasteve të paralizës akute të butë në mesin e fëmijëve si rezultat i “infeksioneve dhe kequshqyerjes akute”.
Qeveria e Gazës ka thënë se Izraeli qëllimshëm ka bllokuar më shumë se 22,000 kamionë me ndihma që të hyjnë në territor si pjesë e një fushtate sistematike të “urisë, pushtimit dhe kaosit”.
Territori palestinez ka qenë nën një bllokadë totale izraelite që nga 2 marsi, pak mbas që prishi një marrvëshje armëpushimi 2-muajshe dhe rifilloi sulmet.
