Gratë dhe vajzat në Gaza “vuajnë trefish”, ka thënë drejtoresha rajonale e Fondit të popullsisë të OKB-së për shtetet arabe, Laila Baker.
“Ata vuajnë me shëndetin e tyre – me shumë nga objektet shëndetësore dhe infrastrukturën pothuajse plotësisht të ndalur, … me mjekimet dhe furnizimet që u mohohen,” tha Baker për Al Jazeera.
Ajo tha se gratë shtatzëna e kanë të vështirë të gjejnë një strukturë mjekësore si dhe qasje të sigurt në të për shkak të sulmeve izraelite.
“Edhe nëse do të mund të arrinin atje, a do të kishte një profesionist? A do të ketë ndihmë? A do të ketë mjekim? A mund të kthehen në vendin e tyre, një tendë, një qendër zhvendosjeje, të sigurtë? … A do t’i mbijetojë ai i porsalindur kushtet në Gaza me ushqim, ujë, strehim duke qenë në furnizime kaq të kufizuara?” pyeti Baker.
Por megjithatë, Baker thotë se ajo që morra nga Gaza është se ato janë këmbëngulëse në qëndrimin në tokat e tyre.
“Ajo që mora nga ato gra ishte … se ato ishin krenare që ishin gra palestineze dhe që jetonin në vendin e tyre dhe qëndronin, ishin në gjendje të qëndronin të palëkundura dhe të qëndronin në tokën palestineze.”
Gratë, së bashku me fëmijët, kanë qenë ndër kategoritë më të prekura gjatë luftës në Gaza.
Ministria e Shëndetësisë në Gaza thotë se të paktën 51,000 palestinezë janë konfirmuar të vdekur dhe 116,343 të plagosur në luftën e Izraelit në Gaza, me shumicën e viktimave që janë gra dhe fëmijë.
